Eigedomar for framtida – med omsyn til miljø, samfunn og økonomi
I Stord Eiendomsutvikling ønskjer me å bidra til ei berekraftig utvikling i regionen vår – både gjennom korleis me byggjer, korleis me drifter, og korleis me planlegg for framtida. Me har som mål å vera ein ansvarleg eigedomsaktør som kombinerer lokal verdiskaping med miljømessig og sosial berekraft.
Miljø – energieffektive bygg og grøne val
Me jobbar aktivt for å redusere miljøavtrykket frå eigedomsmassen vår. Det gjer me blant anna gjennom:
- Rehabilitering og gjenbruk av eksisterande bygg framfor nybygg der det er mogleg – som i Borggata 12 og Ringvegen 24.
- Energieffektive løysingar, som betre isolasjon, moderne ventilasjon og styringssystem for lys og oppvarming.
- Fokus på materialval med låg miljøbelastning og lang levetid.
- Tilrettelegging for framtidsretta mobilitet, som gode sykkelparkeringar, elbil-lading og sentral plassering for kollektivtransport.
Langsiktig økonomisk berekraft
Me bygg for framtida – ikkje for kortsiktig gevinst. Det betyr:
- Å investera i varige løysingar og høg byggkvalitet som gir låge driftskostnader over tid.
- Å vera ein stabil og langsiktig partnar for våre leigetakarar.
- Å utvikla eigedomar som kan tilpassast nye behov og vekst – for leigetakarane, og for regionen.
